呢一排個天總係天陰陰、雨綿綿，落雨天最易令架車變得殘殘舊舊，所以雨後嘅汽車保養係非常重要，三大隱患必須預防。 

 

1. 雨後要防「皮膚病」

落雨唔等於免費洗車，落雨後更加應該要洗車。因為雨中中含有酸性物質，會腐蝕漆面嘅外層，同時雨水入面仲會夾雜一啲肉眼睇唔到嘅灰塵，經陽光照射後會衍生出大量嘅氧化物。所以，落雨後建議打蠟或者封釉嚟保護愛驅。 

 

2. 謹防引擎「氣虛」

落雨後引擎可能「有氣無力」，唔易啟動，有機會係點火系統受潮或者老化。如果受潮，可以暫時用乾布擦乾分電盤內外及電線，如果老化漏電，就需要及時更換喇。 

 

3. 小心大燈「白內障」

落雨天開車好容易導致大燈入水，不單止亮度受影響，仲可能會改變車燈嘅照射方向，引致安全隱患。如果雨後發現燈罩內有水霧，可以先同時打開大燈同埋高燈，一個鐘後再觀察水霧係咪已經消失。如果消失咗，即係燈泡座密封不緊引起漏水；如果仍然有水霧，可能大燈罩黏結位出現問題，需要清洗乾淨，風乾後再打膠或者到車房修理。